Մակրոնը շարունակում է բարձրացնել Ֆրանսիայի ներգրավվածության մակարդակն այս պատերազմում․ Պեսկով
Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ֆրանսիայի նախագահ Էմանուել Մակարոնն ավելի ու ավելի է մեծացնում Փարիզի ներգրավվածությունը Ուկրաինայում ռազմական գործողություններին: Նրա խոսքերը մեջբերում է Համառուսաստանյան պետական հեռուստառադիոհեռարձակման ընկերության թղթակից Պավել Զարուբինը Telegram-ի իր ալիքում։ Տեղեկոթյունը փոխանցում է gazeta.ru-ն։
«Մակրոնը շարունակում է բարձրացնել Ֆրանսիայի ներգրավվածության մակարդակն այս պատերազմում»,- հայտարարել է նա:
Պեսկովի խոսքով՝ Մակրոնի գործողությունները չեն համապատասխանում ֆրանսիացիների շահերին։
Մարտի 7-ին Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը հայտարարել էր, որ Մակրոնի խոսքերը Ուկրաինա ՆԱՏՕ-ի զորքեր ուղարկելու հնարավորության մասին կապված են Ուկրաինայի Զինված ուժերի նախորդ տարվա հակահարձակման ձախողման հետ: Փետրվարի 26-ին Փարիզում տեղի է ունեցել ուկրաինական հակամարտությանը նվիրված համաժողով, որի ժամանակ Ֆրանսիայի նախագահը նշել է, որ քննարկման թեմաներից մեկը եղել է Արևմտյան զորքեր Ուկրաինա ուղարկելու հնարավորությունը:
Մակրոնը նաև ընդդիմության առաջնորդների հետ հանդիպման ժամանակ հայտարարել է, որ Ուկրաինային աջակցելու հարցում «ոչ մի սահմանափակում չկա»:
