Հաագայի դատարանը երկու ռուս զինվորականների ձերբակալության օրդեր է տվել
Հայտարարության մեջ ասվում է, որ Սերգեյ Կոբիլաշը և Վիկտոր Սոկոլովը մեղադրվում են «հանցագործությունների մեջ, որոնք կատարվել են առնվազն 2022 թվականի հոկտեմբերի 10-ից մինչև 2023 թվականի մարտի 9-ը»։ ՄՔԴ-ն որոշել է, որ այս ընթացքում կասկածյալները հրթիռային հարձակումներ են իրականացրել Ուկրաինայի էլեկտրական ենթակառուցվածքների, այդ թվում՝ էլեկտրակայանների վրա։
Ռուսաստանի օդատիեզերական ուժերի հեռահար ավիացիայի հրամանատար Սերգեյ Կոբիլաշին և Սևծովյան նավատորմի հրամանատար Վիկտոր Սոկոլովին ձերբակալելու օրդեր են տվել։ Այս մասին հաղորդվում է դատարանի կայքում հրապարակված մամուլի հաղորդագրության մեջ։
Հաագայի դատարանը ռուս զինվորականներին մեղավոր է ճանաչել հատուկ քաղաքացիական օբյեկտների վրա հարձակումների համար, որոնք վնաս են հասցրել Ուկրաինայի քաղաքացիների կյանքին։ Մեղադրող կողմի միջնորդությամբ տրվել է կալանավորման երկու որոշում։
Որոշման համաձայն՝ Կոբիլաշը և Սոկոլովը նաև մեղավոր են համարվում մարդկության դեմ հանցագործությունների համար՝ «անմարդկային արարքների տեսքով», քանի որ, ըստ դատարանի, նրանք ղեկավարել են հարձակումներ՝ ուղղված «քաղաքացիական բնակչության դեմ»։
