ՏԵՍԱՆՅՈՒԹ․ Հաստատ խեղճ մարդկանց տարբեր օբյեկտներ չեն քանդվել․ Ավինյան
Թաթուլ Կրպեյանի անվան զբոսայգու հարակից տարածքում քանդվել է 8 ինքնակամ շինություն, ապամոնտաժվել` 4 ցանկապատ, գործակարգավորական նիստի ընթացքում այս մասին զեկուցվեց Երևանի քաղաքապետ Տիգրան Ավինյանին։
«Շատ տարբեր մեկնաբանություններ են հնչում։ Երբ որոշ դեպքերում մենք դժվարին որոշումներ ենք կայացնում հանրային տարածքների վերադարձի հետ կապված, սկսում են խոսակցությունները՝ բա ինչի հարուստներին առաջինը չեք անում։ Ուզում եմ հիշեցնել, որ այս գործընթացը սկսել է ինտենսիվ կերպով դեռևս 2022 թվականի վերջից։
Վստահեցնում եմ, որ նույն Օղակաձև այգում և մնացած հատվածներում, որտեղ իրականացրել ենք քանդման աշխատանքներ, հաստատ խեղճ մարդկանց տարբեր օբյեկտներ չեն քանդվել։ Երբ խոսքը գնում է հեկտարներով այգու մասին և այգու մեջ տարատեսակ քոլիկներ քանդելու մասին, մենք անբեկելի ենք։ Այստեղ մեզ հետ որևէ կոմպրոմիս հնարավոր չէ, հնարավոր է միայն քննարկել այդ մարդկանց կեցության հարցերի լուծումը»,-ասաց Ավինյանը։
Մանրամասները՝ տեսանյութում։
