ՏԵՍԱՆՅՈՒԹ. Հրապարակվել է Կրասնոդարում տեղի ունեցած սպանության պահը. կրակողն ազգությամբ հայ է

Տեսախցիկն արձանագրել է Կրասնոդարում տեղի ունեցած սպանության պահը։

Ավելի վաղ հայտնել էինք, որ Կրասնոդարի կենտրոնում տղամարդ է սպանվել: Բուդյոննի փողոցում անհայտ անձը մոտեցել է ամենագնացի վարորդին և ատրճանակից մի քանի անգամ կրակել նրա վրա ու անհետացել։ Տուժածը մահացել է:

Կրակողը՝ 55-ամյա Անդրանիկ Գրիգորյանը, հանձնվել է ոստիկանություն։

112-ի և SHOT-ի տվյալներով՝ հրաձիգն ինքն է զանգահարել ոստիկանություն և հայտնել, որ կրակել է մարդու վրա: Ավելի ուշ նա ձերբակալվել է։ Զննության ժամանակ սպանված գործարարի մեքենայում թմրանյութ է հայտնաբերվել։

Նախնական տվյալներով ՝ սպանությունը կարող էր տեղի ունենալ պարտքի պատճառով։ 112-ը հայտնում է, որ Գրիգորյանն իբր 7 միլիոն ռուբլի է պարտք գործարարին և չի կարողացել վճարել պարտքը, որից հետո որոշել է սպանություն կատարել: