Երևանի կենտրոնում բախվել են 6 ավտոմեքենաներ. կան վիրավորներ
Փետրվարի 29-ին, ժամը 00:39-ին Ճգնաժամային կառավարման ազգային կենտրոն ահազանգ է ստացվել, որ Երևանի Թումանյան փողոցի թիվ 25 շենքի մոտակայքում տեղի է ունեցել ՃՏՊ՝ բախվել են ավտոմեքենաներ, ծուխ է նկատվում․ անհրաժեշտ է փրկարարների օգնությունը։ Այս մասին հայտնում են ՀՀ ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Infiniti» (վարորդ՝ Ա․ Ա․), «Nissan» (վարորդ՝ Տ․ Վ․) և «Hyundai» (վարորդ՝ Ս․ Գ․) մակնիշների ավտոմեքենաները, որոնք այնուհետև բախվել են կայանած «Kia» (վարորդ՝ Գ․ Հ․), «Nissan» (վարորդ՝ Վ․ Մ․) և «Dodge» (վարորդ՝ Վ․ Մ․) մակնիշների ավտոմեքենաներին․ հրդեհի նշաններ չեն հայտնաբերվել։
Մինչ փրկարարների կանչի վայր հասնելը՝ «Nissan» մակնիշի ավտոմեքենայի ուղևոր Ա․ Մ․-ն հոսպիտալացվել է բժշկական կենտրոն, որտեղ բժիշկները տուժածի առողջական վիճակը գնահատել են բավարար։
Փրկարարները «Nissan» մակնիշի ավտոմեքենայի վարորդին դուրս են բերել ավտոմեքենայից և մոտեցրել շտապօգնության ավտոմեքենային։ Տուժածը հոսպիտալացվել է բժշկական կենտրոն, որտեղ բժիշկները նրա առողջական վիճակը գնահատել են բավարար։
Փրկարարները հոսանքազրկել են «Nissan», «Hyundai» և «Infiniti» մակնիշների ավտոմեքենաները և փակել գազի բալոնների փականները։
