ՏԵՍԱՆՅՈՒԹ․ Մասշտաբային հանրահավաք՝ Բրազիլիայում․ նախկին նախագահը ծածանում է Իսրայելի դրոշը
Բրազիլիայի նախկին նախագահ Ժաիր Բոլսոնարոյին աջակցող հանրահավաք է անցկացվել Բրազիլիայում՝ Սան Պաուլու քաղաքի կենտրոնական մայրուղու Ավենիդա Պաուլիստայում: Դրան մասնակցել են հազարավոր մարդիկ, ՏԱՍՍ-ի փոխանցմամբ այս մասին հայտնում է Veja ամսագիրը։
Ամսագրի տեղեկություններով ՝ հանրահավաքը նախաձեռնել է ինքը՝ Բոլսոնարուն ՝ 2023 թվականի հունվարի 8-ի պետական հեղաշրջման փորձին մասնակցության վերաբերյալ իր դեմ ծավալվող դատական հետաքննության ֆոնին։ Հանրապետության նախկին նախագահը աջակիցների առջև ողջույնի խոսքում հերքել է նման մեղադրանքները:
Բրազիլիայի նախագահ Լուիս Ինասիու Լուլա դա Սիլվան հունվարի 9-ին բացառել է 2023 թվականի հունվարի 8-ի անկարգությունների մասնակիցների համաներման հնարավորությունը: Նրա խոսքով ՝ ցույցերի մասնակիցների համար համաներում հայտարարելը կնշանակեր անպատժելիություն, իսկ անպատժելիությունը նոր ահաբեկչական գործողություններ կառաջացներ երկրում:
Բրազիլիայի նախկին նախագահ Ժաիր Բոլսոնարուի կողմնակիցները 2023 թվականի հունվարի 8-ին բախումների մեջ են մտել ոստիկանության հետ և ներխուժել Բրազիլիայի կառավարական շենքեր (խորհրդարան, Դաշնային գերագույն դատարան և պետության ղեկավարի աշխատանքային նստավայր) ՝ այնտեղ ջարդեր կազմակերպելով: Նրանք դեմ էին Հոկտեմբերյան նախագահական ընտրությունների արդյունքներին, որոնցում հաղթանակ տարավ Լուլա դա Սիլվան։ Անկարգությունները հասարակական լայն հնչեղություն և դատապարտություն են առաջացրել օտարերկրյա պետությունների իշխանությունների կողմից:
Բողոքի ցույցերի ժամանակ Բրազիլիայի նախկին նախագահ Ժաիր Բոլսոնարուն դուրս է եկել փողոց՝ ծածանելով Իսրայելի դրոշը՝ ի պատասխան Լուլա դա Սիլվայի վերջին հայտարարությունների, որոնք դատապարտում են Գազայի պատերազմը:
