ՏԵՍԱՆՅՈՒԹ. Հնդկաստանում շարունակվում են ֆերմերների և ոստիկանների միջև բախումները

Հնդկաստանի ֆերմերների ասոցիացիաներն ու գյուղացիական արհմիությունները, որոնք բողոքի ակցիաներ են անցկացնում բերքի գների բարձրացման գլխավոր պահանջով:  Ասյօր սգո սև օր են հայտարարել եւ ցուցադրաբար այրել վարչապետ Մոդիի խրտվիլակը:

Հաղորդվում է, որ ցուցարարներն այրել են նաև ներքին գործերի նախարարի խրտվիլակները, այդ նահանգի ոստիկանությանը նրանք մեղադրում են իրենց դեմ «չարդարացված ուժ» կիրառելու մեջ:

Ցուցարարներն այդկերպ սգացել են չորեքշաբթի օրը Փենջաբ և Հարյանա նահանգների սահմանին ոստիկանության հետ բախումների ժամանակ զոհված ֆերմերի մահը։ Անցյալ շաբաթ հազարավոր ֆերմերներ բողոքի երթ էին սկսել Հնդկաստանի մայրաքաղաքում, սակայն անվտանգության ուժերը կանգնեցրել էին նրանց քաղաքից մոտ 200 կիլոմետր դեպի հյուսիս և կիրառել ջրցան մեքենաներ ու արցունքաբեր գազ:

 Ֆերմերների ղեկավարները նաև պահանջում են Գերագույն դատարանի դատավորի կողմից բողոքող ֆերմերի մահվան կապակցությամբ դատական հետաքննություն անցկացնել և 10 միլիոն ռուփի (մոտ 120,000 դոլար) վճարել որպես փոխհատուցում մահացածի ընտանիքին: