Իր հագուստը բաժանել էր մյուս բանտարկյալներին, երբ իմացել էր` գալու է Հայաստան. Լինդա Էուլջեքջյան

Բաքվում 20 տարվա ազատազրկման դատապարտված լիբանանահայ Վիգեն Էուլջեքջյանի կինը՝ Լինդա Էուլջեքջյանը, անցած ամիս տեսակապով խոսել է ամուսնու հետ: 

«Տեսակապով ենք Վիգենին տեսել անցած ամիս, նա ավելի հարմարված տեսք ուներ։ Ինձ պատմեցին, որ Վիգենը նույն բանտում է, սակայն տեղափոխվել է ավելի հարմար սենյակ»,- «Հրապարակի» հետ զրույցում ասել է տիկին Լինդան։ Նա նշել է, որ ամուսնու վիճակն ավելի լավ էր, քան նախորդ անգամ, նույնիսկ մի քիչ քաշ էր հավաքել։

Վիգենն իրենից հագուստ է խնդրել։ «Իր հագուստը բաժանել էր մյուս բանտարկյալներին, երբ իմացել էր, ու շուտով Հայաստան է վերադառնալու գերիների խմբի հետ, ու, փաստորեն, առանց հագուստ էր մնացել։ Նա ինձնից նոր հագուստ խնդրեց, իր սիրած ուտելիքներից եւ մեր նկարներն է խնդրել»,- ասել է կինը։

Կարմիր խաչի աշխատակիցները Վիգենի կնոջը տեղեկացրել են, որ նա որեւէ առողջական խնդիր այս պահի դրությամբ չունի։ Բայց Վիգենը խնդրել է կնոջը՝ իրեն ուղարկել նաեւ դեղեր, որոնք նա ստանում է Կարմիր խաչից։

Մանրամասները` սկզբնաղբյուր կայքում: