ՏԵՍԱՆՅՈՒԹ. Բողոքի ցույց` Լոնդոնի դատարանի շենքի դիմաց
Լոնդոնի Բարձր դատարանի շենքի առջև երկրորդ օրն անընդմեջ WikiLeaks-ի հիմնադիր Ջուլիան Ասանժին աջակցող ակցիա է անցկացվում:
Լոնդոնի Բարձր դատարանը նախօրեին երկօրյա լսումներ է սկսել, որտեղ կորոշեն, թե արդյոք լրագրողը հնարավորություն կունենա շարունակել վիճարկել բրիտանական դատարաններում նրան ԱՄՆ արտահանձնելու որոշումը: Ակտիվիստների պաստառների վրա գրված է «ազատեք Ասանժին- լրագրությունը հանցագործություն չէ», «Ազատ արձակեք Ասանժին, ոչ արտահանձնում»,«մի արտահանձնեք Ասանժին»։
Նախօրեին WikiLeaks-ի հիմնադրի ազատ արձակմանն աջակցող հանրահավաք է տեղի ունեցել նաև Փարիզում, որին մասնակցել է մի քանի հարյուր մարդ:
Ասանժին 18 քրեական մեղադրանք է ներկայացվել, որոնցով նրան սպառնում է ընդհանուր առմամբ մինչև 175 տարվա ազատազրկում ԱՄՆ-ում ՝ երկրի պատմության մեջ գաղտնի տեղեկատվության խոշորագույն զանգվածի բացահայտման պատճառով:
