Պաշտպանության հզոր գիծ ստեղծելու գաղափարը պատկանում է Պուտինին. Շոյգու
Լեհաստանի և Բալթյան երկրների մասնագետները ստեղծեցին հակահարձակողական ծրագիր, ըստ որի՝ Ուկրաինայի զինված ուժերը կհասնեին Ազովի ծով և կկտրեին դեպի Ղրիմ ցամաքային միջանցքը։ Այս մասին ՏԱՍՍ-ի գլխավոր խմբագիր Միխայիլ Պետրովին տված հարցազրույցում ասել է ՌԴ պաշտպանության նախարար Սերգեյ Շոյգուն։
«Ուկրաինական հակահարձակումից առաջ կառուցված պաշտպանական գիծը հնարավորություն է տվել ամենօրյա ռեժիմով նոկաուտի ենթարկել Ուկրաինայի զինված ուժերը և առաջ շարժվել որոշակի ուղղություններով»- ասել է Շոյգուն,- «Պաշտպանության հզոր գիծ ստեղծելու գաղափարը պատկանում է Ռուսաստանի Դաշնության նախագահին, նա վերահսկում էր այդ գործընթացը»։
