Կանադան Ուկրաինային կփոխանցի ավելի քան 800 բազմաֆունկցիոնալ անօդաչու թռչող սարքեր
Կանադան Ուկրաինային կփոխանցի ավելի քան 800 SkyRanger R70 բազմաֆունկցիոնալ անօդաչու թռչող սարքեր՝ Ռուսաստանի հետ պատերազմում օգնելու համար։ Այս մասին ասված է Կանադայի ազգային պաշտպանության նախարար Ուիլյամ Բլերի հայտարարության մեջ։
Օգնության փաթեթի արժեքը գնահատվում է 95 միլիոն կանադական դոլար (70 միլիոն դոլար): Նշվում է, որ անօդաչու թռչող սարքերը կարող են տեղափոխել մինչև 3,5 կգ օգտակար բեռ, այդ թվում՝ զինամթերք։ Ակնկալվում է, որ գարնանը Օտտավան կսկսի անօդաչու թռչող սարքերի տեղափոխումը Կիև։
