ՌԴ-ում ինքնաթիռը սառցակալել է․ այն հարկադիր վայրէջք է կատարել
Թեթև մարդատար և տրանսպորտային L-410 ինքնաթիռը հարկադիր վայրէջք է կատարել Կոմսոմոլսկ-Ամուրի օդանավակայանում (Խուրբա) սառցակալման պատճառով։ Այս մասին հայտնում է ՏԱՍՍ-ը՝ վկայակոչելով օպերատիվ ծառայություններում իր աղբյուրին։
Օդանավը Նիկոլաևսկ-ամուրից ուղևորվում էր Խաբարովսկ։ Ինքնաթիռում եղել է անձնակազմի միայն երկու անդամ։ Նրանք չեն տուժել։
Փետրվարի 17-ին էլ Մոսկվայից Ստամբուլ թռչող ռուսական ավիաընկերության ինքնաթիռը վերադարձել է Շերեմետևո՝ ինքնաթիռում բռնկված հրդեհի պատճառով:
