Ներկայացուցիչների պալատում Ուկրաինային, Իսրայելին և Թայվանին օգնության մասին օրինագծի հնարավոր քննարկումը հետաձգվել է
ԱՄՆ Ներկայացուցիչների պալատը լսումներ չի նախատեսում մինչև փետրվարի 28-ը, համաձայն պալատի կայքում հրապարակված հանդիպումների ժամանակացույցի:
Այսպիսով, Սենատի կողմից ընդունված Ուկրաինային, Իսրայելին և Թայվանին օգնության մասին օրինագծի հնարավոր քննարկումը պալատում հետաձգվում է։
Ավելի վաղ Ներկայացուցիչների պալատի խոսնակ Մայք Ջոնսոնը բացառել էր օրինագծի անհապաղ քվեարկության բերելու հնարավորությունը՝ ասելով, որ կենտրոնացած է մարտի սկզբին կառավարության փակումը կանխելու վրա:
