ՆԱՏՕ-ի երկրները խոստացել են Ուկրաինային մեկ միլիոն անօդաչու թռչող սարքեր մատակարարել
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքի երկրները պարտավորվել են մեկ միլիոն անօդաչու թռչող սարքեր փոխանցել Ուկրաինային։ Այս մասին նա ասել է Բրյուսելում կայացած ճեպազրույցում։
Այս որոշումն ընդունվել է «Ռամշտայնի» ձևաչափով և Ուկրաինա-ՆԱՏՕ խորհրդի երկօրյա բանակցությունների արդյունքներով։
«ՆԱՏՕ-ի մի խումբ անդամներ հայտարարել են Ուկրաինային մեկ միլիոն անօդաչու թռչող սարք մատակարարելու նպատակի մասին», - ասել է Ստոլտենբերգը:
Մեծ Բրիտանիան և Լատվիան հազարավոր անօդաչու թռչող սարքեր կտեղափոխեն Ուկրաինա՝ որպես «դրոնների կոալիցիայի» առաջնորդներ, փետրվարի 15-ին հայտարարել է Մեծ Բրիտանիայի պաշտպանության նախարարությունը։
