Բելգորոդին հասցված հարվածի հետևանքով տուժածների թիվը հասել է 20-ի
Բելգորոդի հրետակոծությունից չորս տուժածներ բուժման կուղարկվեն Մոսկվա, հայտարարել է Ռուսաստանի առողջապահության նախարարի օգնական Ալեքսեյ Կուզնեցովը։ Վիրավորների ընդհանուր թիվը հասել է 20-ի։ Զոհվել է վեց մարդ, այդ թվում՝ երեխա։
Երկու երեխա նույնպես կուղարկվեն Մոսկվայում ՌԴ առողջապահության նախարարության դաշնային բժշկական կազմակերպություններ։ Որոշումն ընդունվել է հեռաբժշկական խորհրդատվությունների արդյունքների հիման վրա, հաղորդում է «Ինտերֆաքս»-ը: Ընդհանուր առմամբ, տուժածների թվում կա չորս երեխա։
16 վիրավոր տարբեր աստիճանի ծանրությամբ հոսպիտալացվել է։ Չորս տուժածի բուժօգնություն է ցուցաբերվել ամբուլատոր հիմունքներով։ Ըստ Կուզնեցովի՝ վիրավորներին օգնություն ցուցաբերելը գտնվում է ՌԴ առողջապահության նախարար Միխայիլ Մուրաշկոյի անձնական հսկողության ներքո։
Բելգորոդին հարվածը հասցվել է տեղի ժամանակով մոտավորապես 12:30-ին։
