Բայդենը հանձնարարել է ուղիղ երկխոսություն սկսել Ռուսաստանի հետ

 ԱՄՆ նախագահ Ջո Բայդենը հրամայել է ամերիկյան վարչակազմին ուղիղ երկխոսության մեջ մտնել Ռուսաստանի Դաշնության հետ՝ կապված Մոսկվայի կողմից հակաարբանյակային զենքի ենթադրյալ մշակման հետ։ Այս մասին հերթական ճեպազրույցում հայտարարել է Սպիտակ տան Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։

«Նա (Բայդենը) կարգադրել է մի շարք նախնական քայլեր ձեռնարկել, ներառյալ կանոնավոր ճեպազրույցներ Կոնգրեսում, ուղիղ դիվանագիտական ​​հարաբերություններ Ռուսաստանի հետ, մեր դաշնակիցների և գործընկերների հետ, ինչպես նաև աշխարհի մյուս երկրների հետ, որոնց շահերը տուժում են», - ասել է նա: