Ինչու է Լատվիայի ԱԳՆ-ն կանչել ՌԴ գործերի ժամանակավոր հավատարմատարին
Լատվիայի արտաքին քաղաքական գերատեսչությունը կանչել է Լատվիայում ՌԴ գործերի ժամանակավոր հավատարմատար Օլեգ Զիկովին ՝ կապված ՌԴ ՆԳՆ-ի կողմից լատվիացի որոշ նախարարների նկատմամբ հետախուզում հայտարարելու հետ:
Հետախուզում է հայտարարվել նաև Էստոնիայի վարչապետ Կայա Կալլասի, Էստոնիայի պետքարտուղարի նկատմամբ: Նրանք հետախուզվում են խորհրդային զինվորների հուշարձանները ոչնչացնելու և վնասելու վերաբերյալ քրեական գործի շրջանակներում:
Հիշեցնենք՝ Ռուսաստանը հետախուզում է հայտարարել Էստոնիայի վարչապետ Կայա Կալլասի և երկրի պետքարտուղար Տայմար Պետերկոպի նկատմամբ՝ խորհրդային զինվորների հուշարձանները ոչնչացնելու և վնասելու համար։
Ռուսաստանն Էստոնիային մեղադրում է խորհրդային ժամանակաշրջանի զինվորների հուշարձանների ապամոնտաժման համար, որոնք, ըստ BBC-ի, «Տալլինը համարում է ԽՍՀՄ-ի ժամանակ երկրի բռնազավթման անցանկալի խորհրդանիշներ»։
Բացի այդ, նույն մեղադրանքներով հետախուզում է հայտարարվել Լիտվայի մշակույթի նախարար Սիմոնաս Կայրիսի նկատմամբ։
