ՏԵՍԱՆՅՈՒԹ․ Այդպիսի միջադեպեր եղել են ու լինելու են. մեր ԶՈՒ-ն պետք է միշտ պարաստ լինի ցանկացած սադրանքի ու հարձակման. ՔՊ պատգամավոր

ՔՊ-ական պատգամավոր Արմեն Խաչատրյանը կարծում է՝ այն իրավիճակը, որ այսօր եղել է Ներքին Հանդում, եղել է ու լինելու է։

«Ուղղակի պետք է դրանք հասցվեն նվազագույնի, դրա համար մի շարք աշխատանքներ են պետք, ինչը արվում է և՛ քաղաքական, և՛ դիվանագիտական, և՛ ռազմական դաշտում»,- ԱԺ-ում լրագրողների հետ զրույցում ասաց նա։

Խաչատրյանի խոսքով՝ կարևոր է, որ նման դեպքերը չվերածվեն էսկալացիայի։

Նա կարծում է, որ ՊՆ-ում ծառայողական քննություն կիրականացվի՝ ինչպե՞ս առաջացավ այս սադրանքը, ինչի՞ պատճառ էր այս ամենը։

Հիշեցնենք՝ փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետևանքով հայկական կողմն ունի 4 զոհ և 1 վիրավոր (վիճակը գնահատվում է միջին ծանրության, այս պահի դրությամբ կյանքին վտանգ չի սպառնում):

Մանրամասները՝ տեսանյութում։