ՀԱՄԱՍ-ը հայտնում է, որ երկու պատանդ է սպանվել Գազայի հատվածին իսրայելական հարվածների արդյունքում
Պաղեստինյան արմատական ՀԱՄԱՍ շարժման զինյալ թևը՝ «Ալ-Քասամ բրիգադները», հայտնել է, որ Գազայի հատվածին իսրայելական հարվածների արդյունքում երկու պատանդ է սպանվել, եւս ութը վիրավորվել են։ Այս մասին ասվում է հաղորդագրությունում, որը խումբը ուղարկել է լրատվամիջոցներին։
«Տուժածների վիճակը գնալով ավելի վտանգավոր է դառնում՝ նրանց պատշաճ բուժում չցուցաբերելու անկարողության պատճառով։ Իսրայելը ողջ պատասխանատվությունն է կրում վիրավորների կյանքի համար՝ շարունակվող ռմբակոծության լույսի ներքո», - ասվում է հայտարարության մեջ, որը մեջբերում է Reuters-ը։
Ինչպես հիշեցնում է գործակալությունը, ՀԱՄԱՍ-ը նոյեմբերի վերջին մեկշաբաթյա զինադադարի ընթացքում ազատ է արձակել հարյուրից ավելի պատանդների՝ Իսրայելի և այլ երկրների քաղաքացիների, մոտ 240 պաղեստինցի բանտարկյալների հանձնման դիմաց։
