Թրամփը նշել է` ինչը կարող է փրկել ԱՄՆ-ին թմրանյութերի համաճարակից
Միացյալ Նահանգները կարող է հաղթահարել թմրանյութերի համաճարակը միայն թմրավաճառների համար մահապատիժ սահմանելով, այլ միջոցներով խնդիրը չեն լուծի։ Այս մասին հայտնել է ԱՄՆ նախկին նախագահ Դոնալդ Թրամփը։
«Յուրաքանչյուր թմրավաճառ իր կյանքում սպանում է առնվազն 500 մարդու: Մինչև մահապատիժ չլինի, այս խնդիրը չի լուծվի, դուք ուղղակի խաբում եք ինքներդ ձեզ»,- ասել է նա։
Միաժամանակ, Թրամփի խոսքով, ինքը վստահ չէ, որ ԱՄՆ-ի բնակչությունը պատրաստ է նման քայլի։
«Մենք վերածվում ենք թմրանյութերով լեցուն երկրի, ԱՄՆ-ում թմրանյութերի օգտագործումը հասել է աննախադեպ մակարդակի»,- համոզված է նա։
Թրամփը պատմել է, թե ինչպես է ժամանակին խոսել Չինաստանի նախագահ Սի Ցզինպինի հետ այս թեմայով։ Նա նշել է, որ Սի Ցզինպինը վստահեցրել է իրեն, որ Չինաստանում նման խնդիր չկա։ «Շատ տարիներ առաջ թմրանյութերը չափազանց տարածված էին Չինաստանում: Բայց հետո նրանք մահապատիժ սահմանեցին թմրավաճառների համար: Եվ հենց որ նրանք դա արեցին, ամեն ինչ դադարեց», - բացատրել է Թրամփը:
