Վրաստանի նոր վարչապետն իր առաջին այցը կկատարի Բրյուսել
Վրաստանի նոր վարչապետ Իրակլի Կոբախիձեն ասել է, որ կառավարության ղեկավարի պաշտոնում իր առաջին արտասահմանյան այցն արդեն ծրագրված է. նպատակակետը կլինի Բրյուսելը։ Այս մասին գրում է Интерфакс–ը:
«Իմ առաջին արտասահմանյան այցը Բրյուսել արդեն պլանավորված է փետրվարի 20-21-ը, և դա վերաբերում է և՛ Եվրամիությանը, և՛ ՆԱՏՕ-ին, և օրակարգը նույնպես որոշված է»,- լրագրողներին ասել է Կոբախիձեն։
Վրաստանի խորհրդարանը հինգշաբթի երեկոյան վստահություն է հայտնել վարչապետ Կոբախիձեին և նրա կառավարությանը, որում փոխվել է միայն պաշտպանության նախարարը։
