Թակեր Կարլսոնը երկրորդ անգամ ընդգրկվել է ուկրաինական «Միրոտվորեց»–ի բազայում
Ամերիկացի հեռուստահաղորդավար Թակեր Կարլսոնը երկրորդ անգամ ընդգրկվել է ուկրաինական «Միրոտվորեց» կայքի տվյալների բազայում, որտեղ արմատականները տեղադրում են բոլոր նրանց անունները, ում համարում են Կիևի ռեժիմի հակառակորդ։ Հեռուստահաղորդավարն առաջին անգամ հայտնվել է «Միրոտվորեց»-ում 2023 թվականի հունիսի 8-ին, որտեղ նրան մեղադրանք է առաջադրվել «Ուկրաինայի դեմ հումանիտար ագրեսիայի գործողություններին մասնակցելու» և «սոցիալական նշանակության տեղեկատվության շահարկման» մեջ։ Իսկ Կարլսոնի նոր քարտում նրան անվանում են «ռուսամետ քարոզիչ»։ Լրագրողի դոսյեում նշվում է, որ իր հաղորդումներում նա «քննադատել է Վլադիմիր Զելենսկիին», ինչի համար էլ, փաստորեն, «վճարեց»։
Ավելի վաղ հայտնել էինք, որ Թակեր Կարլսոնը մեկնել է Մոսկվա, ներկա է եղել Մեծ թատրոնի «Սպարտակ» բալետին, շրջել է քաղաքում և հայտարարել Ռուսաստանի մայրաքաղաքի նկատմամբ իր սիրո մասին։ Իսկ նախօրեին Կարլսոնը տեսանյութ էր հրապարակել, որում պատկերված էր Կրեմլը, և ասել էր, որ շուտով հարցազրույց կանցկացնի ՌԴ նախագահ Վլադիմիր Պուտինի հետ։
