Աշխարհը թևակոխել է քաոսի դարաշրջան. Անտոնիո Գուտերեշ
ՄԱԿ-ի Անվտանգության խորհուրդը հայտնվել է փակուղում՝ աշխարհաքաղաքական տարաձայնությունների պատճառով: Այս մասին հայտարարել է ՄԱԿ–ի գլխավոր քարտուղար Անտոնիո Գուտերեշը, փոխանցում է РИА Новости-ն:
«ՄԱԿ-ի Անվտանգության խորհուրդը՝ համաշխարհային խնդիրների լուծման գլխավոր հարթակը, հայտնվել է փակուղում աշխարհաքաղաքական տարաձայնությունների պատճառով»,- ասել է Գուտերեշը:
ՄԱԿ գլխավոր քարտուղարի խոսքով՝ Սառը պատերազմի ժամանակ հնարավոր եղավ կարգավորել գերտերությունների հարաբերությունները՝ ներդրված գործուն մեխանիզմների շնորհիվ, բայց հիմա իրավիճակն այլ է։
«Ժամանակակից բազմաբևեռ աշխարհում այդպիսի մեխանիզմներ այլևս չկան, աշխարհը թևակոխել է քաոսի դարաշրջան»,- ասել է Գուտերեշը
