Արտակարգ դեպք՝ Գեղարքունիքի մարզում․ Սևանի թունելի մոտ մի քանի տոննա ձնահյուսքը փակել է ճանապարհը
Այսօր՝ փետրվարի 6-ին արտակարգ իրավիճակ է ստեղծվել Գեղարքունիքի մարզում։ Ժամը 18։10-ի սահմաններում ՀՀ Ներքին գործերի նախարարության Ոստիկանության Պարեկային ծառայությունում օպերատիվ տեղեկություններ են ստացվել, որ Երևան-Սևան-Իջևան ավտոճանապարհի՝ Սևանի թունելի սկզբնամասում ձնահյուսքի պատճառով ճանապարհի մի զգալի հատված փակվել է։
Ինչպես դեպքի վայրից հայտնում է ֆոտոլրագրող Գագիկ Շամշյանը, տեղում ՊԾ պետ, ոստիկանության գնդապետ Արթուր Խուդինյանի հանձնարարականով օպերատիվորեն դեպքի վայր են ժամանել ՀՀ ՆԳՆ ոստիկանության Պարեկային ծառայության Գեղարքունիքի մարզի գումարտակի պարեկները՝ գումարտակի հրամանատար Ալբերտ Մարտիրոսյանի, գումարտակի ծառայության ավագ տեսուչ Բակուր Սարիբեկյանի և գումարտակի ծառայության տեսուչ Հրաչյա Գևորգյանի գլխավորությամբ։
Օպերատիվորեն ժամանել են նաև «Ճանապարհային դեպարտամենտ» ընկերության աշխատակիցները՝ գործադիր տնօրեն Գոռ Ավետիսյանի գլխավորությամբ։
