Հակակոռուպցիոն կոմիտեում փետրվարի 7-ից մինչ օրս ընտրական հանցագործությունների վերաբերյալ նախաձեռնվել է 125 քրեական վարույթ

Փետրվարի 7-ից մինչ օրս ընտրական հանցագործությունների վերաբերյալ նախաձեռնվել է 125 քրեական վարույթ:

Այս վարույթները հարուցվել են ընտրակաշառք տալու և ստանալու, ընտրակաշառքի միջնորդության, ընտրության ընթացքում բարեգործության արգելքը խախտելու, ինչպես նաև դրանց հետ համակցված այլ հանցագործությունների դեպքերի առթիվ: Հիշյալ քրեական վարույթներից 66-ի շրջանակներում ձերբակալվել է 227 անձ, քրեական հետապնդում է սկսվել 248 անձի նկատմամբ, իսկ 15 մեղադրյալի նկատմամբ հայտարարվել է հետախուզում։ 

Մեղադրյալներից 108-ի հանդեպ ընտրվել են անազատության հետ կապված խափանման միջոցներ, որոնցից 55-ի դեպքում կիրառվել է կալանք, իսկ 53-ի դեպքում՝ տնային կալանք: Եվս 122 անձի նկատմամբ ընտրվել են այլընտրանքային խափանման միջոցներ: Բացի այդ, 66 քրեական վարույթով իրականացվել են բազմաթիվ վարութային գործողություններ, որոնց թվում՝ հարցաքննվել է 300-ից ավելի անձ, ինչպես նաև խուզարկություններ են արվել մի շարք գրասենյակներում: 21 վարույթով նախաքննությունը, որը վերաբերում է 90 անձի, ավարտվել է մեղադրական եզրակացություն կազմելով՝ դատարան ուղարկելու նպատակով։