Ռուսաստանի կողմից հետախուզվող անձը լքել է Հայաստանը

Հայտնի մաթեմատիկոս Միխայիլ Վերբիցկին, ով երեք օր առաջ ձերբակալվել էր «Զվարթնոց» օդանավակայանում,  կարողացել է լքել Հայաստանը։

«Նա մեկնել է Իսրայել»,- «Մեդուզային» պատմել է նրա փաստաբանը։ 

Նրա պաշտպան Վաչե Սիմոնյանը պատմել է՝ Հայաստանի սահմանն անցնելիս են Վերբիցկուն հայտնել, որ ռուս իրավապահները նրա դեմ գործ են հարուցել ահաբեկչական գործունեություն իրականացնելու հրապարակային կոչերի, ահաբեկչությունը հրապարակայնորեն արդարացնելու կամ քարոզելու հոդվածով և հետախուզում հայտարարել:

Գիտնականն ակտիվորեն քննադատում է պուտինյան ռեժիմն ու Ուկրաինայի դեմ արդեն չորրորդ տարին շարունակվող պատերազմը։