ՔՊ-ականները ԱԺ-ում քննարկել են՝ ինչպես պայքարեն կոռուպցիայի դեմ
Փետրվարի 5-ին տեղի է ունեցել Ազգային ժողովի «Քաղաքացիական պայմանագիր» խմբակցության նիստ: Հայտնում են կուսակցության մամուլի ծառայությունից։
Քննարկվել են փետրվարի 6-ին մեկնարկող ԱԺ հերթական նստաշրջանի օրակարգային հարցեր:
Կարևորվել է կոռուպցիայի դեմ պայքարի արդյունավետության մեծացմանն ուղղված մեխանիզմների կատարելագործումը:
Մտքեր են փոխանակվել այս ուղղությամբ անհրաժեշտ անելիքների, այդ թվում` օրենսդրության կատարելագործման ուղղությամբ:
