Միացյալ Նահանգները չի միջամտի Զալուժնիին պաշտոնանկ անելու հնարավոր որոշմանը. Սալիվան
Միացյալ Նահանգները չի միջամտի Ուկրաինայի իշխանությունների՝ Ուկրաինայի զինված ուժերի (ԶՈՒ) գլխավոր հրամանատար Վալերի Զալուժնիին պաշտոնանկ անելու հնարավոր որոշմանը։ Այս մասին CBS հեռուստաալիքի եթերում հայտարարել է ԱՄՆ նախագահի ազգային անվտանգության գծով օգնական Ջեյք Սալիվանը։
«Մենք հստակ ասել ենք, որ չենք պատրաստվում միջամտել կոնկրետ այս որոշմանը։ Մենք այդ մասին ուղղակիորեն հայտնել ենք ուկրաինական կողմին»,- ասել է Սալիվանը՝ ընդգծելով, որ Վաշինգտոնը կադրային որոշումները համարում է բացառապես ուկրաինական իշխանությունների գործը։
«Ուստի մենք չենք միջամտում այս կադրային որոշումներին։ Դա Ուկրաինայի և այդ երկրի նախագահի ինքնիշխան իրավունքն է»,- ասել է նա:
