Թուրքիայի Կենտրոնական բանկի ղեկավարը հրաժարական է տվել

Թուրքիայի Կենտրոնական բանկի ղեկավար Հաֆիզե Գայե Էրքանը հրաժարական է տվել՝ խնդրելով նախագահ Ռեջեփ Թայիփ Էրդողանին հաստատել իր դիմումը։ Այս մասին գրում է ТАСС–ը՝ հղում անելով TRT հեռուստաալիքին:

«Այս պահին մեր տնտեսական ծրագիրը սկսել է իր պտուղները տալ։ Պաշարների ավելացումը, տնտեսական ցուցանիշները, գնաճի միտումները այս հաջողության ապացույցն են։ Չնայած դրական զարգացումներին, ինչպես հանրությանը հայտնի է, վերջերս մեծ արշավ է սկսվել իմ հեղինակության դեմ։ Որպեսզի դա հետագայում չանդրադառնա իմ ընտանիքի և դեռևս 1,5 տարեկան երեխայիս վրա, ես նախագահին խնդրեցի ինձ ազատել իմ պարտականություններից, որոնք ես պատվով կատարում եմ նշանակմանս առաջին օրվանից»,- ասել է Էրքանը։