Ցավ եմ ապրում, որ դուք ՀՀ ինքիշխան տարածքը համեմատում եք ԼՂ-ի հետ. Ալեքսանյան

Ես հիմա մեծ ցավ եմ ապրում, որ դուք ՀՀ ինքիշխան տարածքը համեմատում եք ԼՂ-ի հետ: Այս մասին ասել է ՔՊ-ական պատգամավոր Վահագն Ալեքսանյանը` ԱԺ-ում պատասխանելով լրագրողների այն հարցին, թե որևէ երաշխիք կա՞, որ, օրինակ, Սյունիքը չի արժանանա Արցախի ճակատագրին:

Ալեքսանյանի պնդմամբ՝ դա մեծագույն սխալ է, որն այն քաղաքականության արդյունք է, որը 30 տարի տարվել է ՀՀ-ում:

«Բայց դա չի նշանակում, որ Արցախը Հայաստանի հետ կապ չի ունեցել: Երբ ասում եք՝ Արցախը զիջեցինք, ես խնդրում եմ ուրիշ տեղ ման գաք այդ զիջողներին: 2024 թվականի հունվարի 1-ից ԼՂ-ի լուծարման հրամանագիրը ես չեմ ստորագրել, այլ ստորգրել են մարդիկ, ովքեր պարբերաբար դրական լույսի ներքո ներկայացվում են այստեղ ներկա գտնվող գրեթե բոլոր լրատվամիջոցներով»,-նշել է նա։