Ե՞րբ պաշտոնանկ կարվի Վալերի Զալուժնին․ CNN

Ուկրաինայի նախագահ Վլադիմիր Զելենսկին փետրվարի սկզբին պաշտոնանկ կանի Ուկրաինայի զինված ուժերի գլխավոր հրամանատար Վալերի Զալուժնիին: Այս մասին հայտնում է CNN-ը՝ հղում անելով աղբյուրներին։

«Նախագահի հրամանագիրը սպասվում է մինչև շաբաթվա վերջ»,- ասել են նրանք հրապարակմանը։

Ուկրաինացի բարձրաստիճան զինվորականներից մեկը նաև ասել է, որ որպես հավանական իրավահաջորդ դիտարկվում է ուկրաինական ցամաքային զորքերի ներկայիս հրամանատար Ալեքսանդր Սիրսկին։

Հիշեցնենք՝ լուրեր էին տարածվել, թե Զալուժնին հրաժարայկան կտա։ Ավելի ուշ հերքվեցին Զալուժնիի հնարավոր հրաժարականի մասին լուրերը։