Սա սպառնալիք է մեզ համար և դրա համար ձեռնարկվում են համապատասխան միջոցներ․ Պեսկով
Ռուսաստանը սպառնալիք է համարում Եվրոպայում մեկնարկած Steadfast Defender 2024 ՆԱՏՕ-ի զորավարժությունները: Այս մասին ճեպազրույցում հայտարարել է ՌԴ նախագահի մամուլի քարտուղար Դմիտրի Պեսկովը։
Պեսկովը բացատրել է, որ դաշինքը ստեղծվել է Մոսկվայի հետ առճակատման համար, ուստի Ռուսաստանի Դաշնությունը ձեռնարկում է անհրաժեշտ միջոցներ։
Ըստ մամուլի քարտուղարի՝ Ռուսաստանը «միանշանակ ընկալում է» ՆԱՏՕ-ի զորավարժությունները որպես սպառնալիք, քանի որ «ՆԱՏՕ-ն առճակատման գործիք է». դաշինքն այսպիսով «ձևավորվել, կազմավորվել և ներկայումս ղեկավարվում է Միացյալ Նահանգների կողմից»։
«Սա սպառնալիք է մեզ համար, մենք այդպես ենք վերաբերվում դրան, և դրա համար մշտապես ձեռնարկվում են համապատասխան միջոցներ, հատկապես այն ֆոնին, թե ինչպես է դաշինքը մի քանի տասնամյակ շարունակ իր ռազմական ենթակառուցվածքը տեղափոխում դեպի մեր սահմանները», – ասել է Պեսկովը։
