«Սա պետականության վերջնական փլուզումն է»․ Զախարովա

Ուկրաինայի Զինված ուժերի գլխավոր հրամանատարի պաշտոնից Վալերի Զալուժնիի հնարավոր հրաժարականի շուրջ ստեղծված իրավիճակը թույլ է տալիս ենթադրել, որ Ուկրաինայի կառավարությունը հոգեվարքի մեջ է։ Այս մասին ասել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, տեղեկությունը փոխանցում է Gazeta.ru-ն։

Զախարովան նշել է, որ դա խոսում է Ուկրաինայի «պետականության լիակատար փլուզման» մասին։ «Սա լիակատար փլուզում է, սա պետականության վերջնական փլուզումն է, ինչպես վերահսկողության լծակների, այնպես էլ ողջ կառավարման համակարգի»,- աել է նա:

Դիվանագետը հիշեցրել է, որ ավելի վաղ Ուկրաինայի նախագահ Վլադիմիր Զելենսկին արդեն ազատվել էր իր թիմից, որն իր հետ իշխանության եկավ։

«Նրանք ինքնաոչնչացնում են միմյանց։ Նրանք այս հարցում գնալու են մինչև վերջ»,- կանխատեսում է Զախարովան։