Ներքին հակասությունները Կիևում աճելու են․ Պեսկով

«Ուկրաինայում շարունակվող հատուկ ռազմական գործողության հաջող ընթացքին զուգահեռ ներքին հակասությունները Կիևում աճելու են»: Այս մասին այսօր, լրագրողների հետ զրույցի ընթացքում, հայտարարել է Կրեմլի պաշտոնական ներկայացուցիչ Դմիտրի Պեսկովը։

«Կրեմլում հետևում են այն լուրերին, որ վերաբերում են Ուկրաինայի Զինված ուժերի գլխավոր հրամանատար Վալերի Զալուժնուն», - նշել է Պեսկովը։

Նա նաև հավելել է․ «Ակնհայտ է, որ տապալված հակահարձակումը և ռազմաճակատում առկա խնդիրները Կիևի վարչակազմի ներսում հանգեցնում են հակասությունների աճի»։

Հիշեցնենք, որ ավելի վաղ տեղեկություններ էին հայտնվել Ուկրաինայի զինված ուժերի գլխավոր հրամանատար Վալերի Զալուժնիի հրաժարականի մասին։ Սակայն այնուհետև Ուկրաինական կողմը հերքել է տեղեկությունը։