Թուրքական կողմը վստահ է, որ «Զանգեզուրի միջանցքը» շուտով կբացվի․ Աքար

«Զանգեզուրի միջանցքը» շատ կարևոր է ոչ միայն Թուրքիայի, այլև ողջ տարածաշրջանի համար: Այս մասին ասել է Թուրքիայի Ազգային մեծ ժողովի պատգամավոր, պաշտպանության խորհրդարանական հանձնաժողովի նախագահ Հուլուսի Աքարը, որի գլխավորած պատվիրակությանը ընդունել է Ադրբեջանի նախագահ Իլհամ Ալիևը։

Նա վստահություն է հայտնել, որ «Զանգեզուրի միջանցքը» շուտով կբացվի։

«Միջանցքը կարևոր է Ադրբեջանի, Հայաստանի, Թուրքիայի, Իրանի, ինչպես նաև Ռուսաստանի համար։ Դրա օգտագործումը կհանգեցնի սոցիալ-տնտեսական լուրջ աճի և զբոսաշրջության զարգացման», - ասել է թուրք պատգամավորը։

Վերջինս ընդգծել է, որ Թուրքիան հավատում է, որ կողմերը կպայմանավորվեն։

Հավելենք, որ հայկական կողմը բազմիցս հայտարարել է որ միջանցքային տամաբանությամբ որևէ հարց չի քննարկվել և չի քննարկվում: