ՏԵՍԱՆՅՈՒԹ․ Ստամբուլի կաթոլիկ եկեղեցում հրաձգության մեկնարկը․ ձերբակալվել է 47 մարդ
Ստամբուլում կաթոլիկ եկեղեցու վրա զինված հարձակման մեջ կասկածվել է երկու օտարերկրացի՝ ռուս և տաջիկ: Այս մասին այսօր հայտնել է Թուրքիայի ներքին գործերի նախարար Ալի Երլիկայան։
Ընդհանուր առմամբ, հետաքննության շրջանակներում ձերբակալվել է 47 մարդ:
«Եկեղեցու վրա հարձակումից անմիջապես հետո ոստիկանությունը լայնածավալ գործողություն է սկսել։ Կիրակի օրը 30 հասցեներում ձերբակալվել է 47 մարդ»,- ABC News-ի ճեպազրույցի ժամանակ ասել է Երլիկայը։
Ստամբուլի Սարըյեր շրջանում գտնվող Սուրբ Մարիամ եկեղեցու վրա հարձակումը տեղի է ունեցել հունվարի 28-ի առավոտյան: Դիմակավորված երկու անհայտ անձինք աղոթքի ժամանակ կրակ են բացել ծխականների ուղղությամբ։ Արդյունքում զոհվել է 1972 թվականին ծնված թուրք քաղաքացի։ Եվս մի քանի մարդ վիրավորվել է։
Համացանցում է հայտնվել Ստամբուլի կաթոլիկ եկեղեցում հրաձգության մեկնարկի տեսանյութը։
