Մանրամասներ` ԱՄՆ պատմության մեջ առաջին անգամ ազոտի օգնությամբ ամերիկացու մահապատժից
ԱՄՆ պատմության մեջ ազոտի օգտագործմամբ մահապատժի ենթարկված առաջին մարդը մի քանի րոպեի ընթացքում նոպաներ է ունեցել: Այս մասին հաղորդում Է Associated Press գործակալությունը: Տեղեկությունը փոխանցում է ՌԻԱ Նովոստին:
«Դատապարտված մարդասպան Քենեթ Յուջին Սմիթը ջղաձգվում էր։ .. առնվազն երկու րոպե 22 րոպեանոց մահապատժի ժամանակ», - հայտնում է գործակալությունը։
Ավելի վաղ Ալաբամա նահանգի գլխավոր դատախազ Սթիվ Մարշալը հայտնել էր, որ նոր եղանակով մահապատժի են ենթարկել 58-ամյա Քենեթ Յուջին Սմիթին, որը դատապարտվել էր 1988 թվականին պատվիրված սպանություն կատարելու համար: Նման բարձրագույն միջոցը արտոնված է ԱՄՆ երեք նահանգներում, սակայն գործնականում մինչ այժմ ոչ մի անգամ չի կիրառվել։ Մահապատժի ընթացքում շնչառական դիմակի միջոցով դատապարտյալին թույլատրվում է ազոտ, ինչը հիպոքսիա և, ի վերջո, մահ է առաջացնում:
Ալաբամայի գլխավոր դատախազի պնդմամբ՝ ԱՄՆ-ի պատմության մեջ առաջին անգամ պատժի բարձրագույն միջոցի կիրառումը նոր եղանակով հաստատել է «այդ մեթոդի արդյունավետությունն ու մարդասիրությունը», իսկ ակտիվիստների ու ԶԼՄ-ների մռայլ կանխատեսումները «սպեկուլյատիվ էին»:
Տեղական ԶԼՄ-ների տվյալներով՝ Սմիթի վերջին խոսքերը շնորհակալություն են հայտնել աջակցության համար, ինչպես նաև «այս գիշեր Ալաբաման պատճառ է դարձել, որ մարդկությունը հետ քայլ է անում» արտահայտությունը: Ընդ որում, ինչպես նշել են ԶԼՄ-ները, Սմիթն ինքն է ընտրել այդ մեթոդը այն բանից հետո, երբ նրա դեմ Բարձրագույն պատժամիջոցի կատարման մի քանի փորձերն անհաջող են եղել:
2022 թվականի նոյեմբերին մահապատիժը պետք է իրականացվեր մահացու կոկտեյլի ներարկման միջոցով, սակայն կատարողները չեն կարողացել մահապատժի համար հատկացված ժամանակահատվածում կաթետեր ներարկել դատապարտյալին։
