Հայտնի է Ամազոնի ռեկորդային երաշտի հիմնական պատճառը

World Weather Attribution (WWA) եղանակային պայմանների հետազոտական կենտրոնի գիտնականների միջազգային թիմը եզրակացրել է, որ կլիմայի փոփոխությունը 2023 թվականին Բրազիլիայի Ամազոն շրջանում ռեկորդային երաշտի հիմնական պատճառն է եղել։ Կազմակերպության կայքում զետեղված զեկույցում ասվում է, որ մարդու կողմից առաջացած կլիմայի փոփոխությունը հանգեցրել է ջերմաստիճանի բարձրացման և տեղումների կրճատման՝ 30 անգամ մեծացնելով աննախադեպ երաշտի հավանականությունը՝ համեմատած այն իրավիճակի,, երբ նման փոփոխության միակ պատճառը կարող էր լինել Էլ Նինյո ֆենոմենը։

Բրազիլիայի, Մեծ Բրիտանիայի, Նիդեռլանդների և ԱՄՆ-ի օդերևութաբաններն աշխատել են WWA զեկույցի վրա՝ համեմատելով ժամանակակից կլիմայական դիտարկումները նախաարդյունաբերական դարաշրջանի հետ:

2023 թվականի մարտից ի վեր բրազիլական Ամազոնը ապրում է աննախադեպ երաշտ, որը հանգեցրել է ծանծաղ գետերի, անտառային հրդեհների և կենդանիների թվաքանակի զանգվածային նվազման:

Դեռևս 2020 թվականին գիտնականները հայտարարեցին, որ Ամազոնի ջունգլիները կանգնած են երաշտի առաջ։ Մասնագետների միջկառավարական հանձնաժողովը հայտարարել է, որ Ամազոնի բնական էկոհամակարգը մոտեցել է «անվերադարձելիության կետին»։

Նշվում է, որ Ամազոնի անտառները կվերանան, եթե հատվի այդ տարածքների 35%-ը: Այս պահին հայտնի է, որ ջունգլիների մոտ 20%-ն արդեն հատվել է։ Այս տարածքը զբաղեցնում է ավելի քան հինգ միլիոն քառակուսի կիլոմետր։

Մինչ այս Ամազոնիայում երաշտի պատճառով հայտնաբերվել էին հին քարանձավային նկարներ։