Վաղը Երկրի վրա մագնիսական փոթորիկ կլինի
Հերթական մագնիսական փոթորիկը սպասվում է վաղը՝ հունվարի 23-ին։ Այս մասին ասվում է տիեզերական հետազոտությունների ինստիտուտի արևային աստղագիտության լաբորատորիայի և Ռուսաստանի գիտությունների ակադեմիայի Սիբիրյան մասնաճյուղի արևային-երկրային ֆիզիկայի ինստիտուտի կանխատեսման մեջ: Տեղեկությունը փոխանցում է ՌԻԱ Նովոստին։
Կայքում հրապարակված գրաֆիկի համաձայն՝ հունվարի լույս 23-ի գիշերը Երկրի մագնիսոլորտն անհանգիստ կլինի, փոթորիկը կսկսվի Երեւանի ժամանակով մոտ 7:00-ին եւ կիջնի մոտավորապես կեսօրից հետո: Կանխատեսվող փոթորկին տրվել է G1 (թույլ) մակարդակ։
Մագնիսական փոթորիկների հզորությունը գնահատվում է հինգ բալանոց սանդղակով։ G1 մակարդակի փոթորիկը ամենաթույլն է, G5-ը՝ ծայրահեղ ուժեղ:
