Լավ է լեզու գտնել Պուտինի նման հզոր միջուկային զենք ունեցող մարդկանց հետ․ Թրամփ
ԱՄՆ նախկին նախագահ Դոնալդ Թրամփը խոսել է Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի հետ լավ հարաբերությունների մասին և ընդգծել, որ լավ է լեզու գտնել այն երկրների ղեկավարների հետ, որոնք հզոր միջուկային զենք ունեն: Այս մասին ԱՄՆ 45-րդ նախագահը հայտարարել է Fox News-ի եթերում։
«Գիտեք, լավ է լեզու գտնել Պուտինի նման մարդկանց հետ, ովքեր ունեն հզոր միջուկային զենք։ Ես բանակցություններ եմ ունեցել նախագահ Սիի հետ, հիանալի հարաբերություններ ունեմ նրանց հետ։ Եթե Հիլարի Քլինթոնը հաղթեր, դուք միջուկային պատերազմ կունենայիք Հյուսիսային Կորեայի՝ Կիմ Չեն Ընի հետ: Նրա հետ ես նույնպես լեզու եմ գտնում»,- ասել Է Թրամփը։
Նրա խոսքով՝ եթե ինքը մնար ԱՄՆ նախագահ, ապա Պուտինը «երբեք չէր հարձակվի Ուկրաինայի վրա»:
«Նրանք բոլորը վախենում էին Թրամփից, բայց հարգում էին նրան։ Դա ճիշտ է»,-հավելել է նախկին նախագահը։
