Երկրաշարժ՝ Հունաստանում

Հունաստանում 4,6 մագնիտուդ ուժգնությամբ երկրաշարժ է տեղի ունեցել, ցնցումները զգացվել են Աթենքում, հայտնում է Աթենքի համալսարանի սեյսմոլոգիական լաբորատորիան։ Երկրաշարժը գրանցվել է տեղական ժամանակով ժամը 16.14-ին, աղբյուրը գտնվել է Աթենքից 85 կիլոմետր հյուսիս-արևելք և Խալկիս քաղաքից 67 կիլոմետր դեպի արևելք՝ Էվբեա կղզու մոտ գտնվող ծովում՝ 10 կիլոմետր խորության վրա։ Ինչպես հայտնում է РИА Новости-ի թղթակիցը, ստորգետնյա ցնցումները զգացվել են Աթենքում։ Ավերածությունների մասին տեղեկություններ չկան։