ՆԱՏՕ-ն կանցկացնի վերջին տասնամյակների ամենախոշոր զորավարժությունները

Մոտ 90,000 զինծառայող կմասնակցի ՆԱՏՕ-ի վերջին տասնամյակների ընթացքում ամենախոշոր Steadfast Defender զորավարժություններին։ Այս մասին ասել է Եվրոպայում ՆԱՏՕ-ի միացյալ զինված ուժերի գլխավոր հրամանատար Քրիստոֆեր Կավոլին, փոխանցում է Reuters-ը։

Իր խոսքով` զորավարժությունները կսկսվեն հաջորդ շաբաթ և կշարունակվեն մինչև մայիս:

«Դաշինքը ցույց կտա եվրաատլանտյան տարածաշրջանն ամրապնդելու իր կարողությունը՝ ուժեր Հյուսիսային Ամերիկայից Ատլանտյան օվկիանոսից այն կողմ բերելու միջոցով», - ասել է Կավոլին:

Bild-ը նշում է, որ ՆԱՏՕ-ն վերջին անգամ նման լայնածավալ զորավարժություններ է անցկացրել 1988 թվականին։ Այդ ժամանակ դրանց մասնակցել է 125 հազար զինվորական։