Գազայի հատվածում պաղեստինյան պետության ստեղծում հնարավոր չէ. Նեթանյահու

Իսրայելի վարչապետ Բենիամին Նեթանյահուն ազգային մամուլի ասուլիսի ժամանակ ասել է, որ հնարավոր չի համարում Գազայի հատվածում գործողության ավարտից հետո պաղեստինյան պետության ստեղծումը, և այդ դիրքորոշումը նա բացատրել է ԱՄՆ-ին։

«Նեթանյահուն հերքել է պաղեստինյան պետականության գաղափարը։ Նա ասել է, որ այդ դիրքորոշումը ներկայացրել է ամերիկացիների ուշադրությանը», հաղորդում է Associated Press-ը։

«Համաձայն ապագա ցանկացած համաձայնագրի (...) Իսրայելին անհրաժեշտ է անվտանգության հսկողություն Հորդանան գետի արևմուտքում գտնվող ողջ տարածքի նկատմամբ: Դա հակասում է ինքնիշխանության գաղափարին: Այսպիսով, ի՞նչ կարող ենք անել: Վարչապետը պետք է կարողանա ոչ ասել մեր ընկերներին»,- նրա խոսքերն է մեջբերում գործակալությունը։