Արթուր Հովհաննիսյանը` ՌԴ–ի հետ ռազմական համագործակցության մասին
Հայաստանը շարունակում է աշխատել Ռուսաստանի հետ ռազմական համագործակցության շրջանակներում։ Այս մասին խորհրդարանական ճեպազրույցների ժամանակ ասաց ԱԺ «Քաղաքացիական պայմանագիր» խմբկացության քարտուղար Արթուր Հովհաննիսյանը` պատասխանելով հարցին, թե ինչպես է Հայաստանը պատկերացնում ՌԴ–ի հետ հետագա ռազմական համագործակցությունը։
«Շարունակում ենք աշխատել մեր ռուս գործընկերների հետ, անվտանգային առումով մենք գնում ենք բալանսավորման ճանապարհով։ Այս իմաստով մենք աշխատում ենք մեր բոլոր գործընկերների հետ` ելնելով բացառապես ՀՀ պետական շահից»,– ասաց նա։
Մեկնաբանելով ՔՊ–ական պատգամավոր Գագիկ Մելքոնյանի այն հայտարարությունը, որ Հայաստանը վերջերս Ռուսաստանից զենքի խմբաքանակ է ստացել նախկինում կնքված պայմանագրերի շրջանակներում, Հովհաննիսյանը լրագրողներին առաջարկեց դիմել ՊՆ։
