Սա անհիմն և անպատասխանատու պնդում է․ Ադրբեջանի ԱԳՆ

Ադրբեջանի ԱԳՆ մամուլի ծառայության ղեկավար Այհան Հաջիզադեն անհիմն է անվանել Ադրբեջանում Եվրոպական Միության ներկայացուցչության ղեկավար, դեսպան Պետեր Միխալկոյի արտահայտություններն Ադրբեջանի դատական համակարգի վերաբերյալ: Այս մասին Հաջիզադեն գրել է X սոցցանցի իր էջում: Տեղեկությունը փոխանցում են ադրբեջանական լրատվամիջոցները։

«Սա անհիմն և անպատասխանատու պնդում է։ Ավելի լավ կլիներ, եթե դեսպանը կենտրոնանար արդարադատության բացակայության և եմ որոշ երկրների դատական համակարգերում դաժան վերաբերմունքի վրա։ Միջամտությունը Ադրբեջանի դատական համակարգին, որը կառուցված է լավագույն միջազգային պրակտիկաների հիման վրա, անթույլատրելի է»,- ասվում է հրապարակման մեջ։

Նշենք, որ Պետեր Միխալկոն երեկ հրապարակում էր արել՝՝ նշելով․ «Ես ցնցվել էի Ադրբեջանում վերջերս ձերբակալված որոշ լրագրողների հանդեպ նվաստացուցիչ վերաբերմունքից։ Դա հատկապես վերաբերում է երիտասարդ կանանց, որոնց ձեռնաշղթաներ էին հագցրել դատարանի դահլիճում, նստեցրել ապակե վանդակներում կամ չէին բավարարում տարրական մարդկային պահանջմունքները։ Ամեն մեկն արժանապատիվ եւ հարգալից վերաբերմունքի իրավունք ունի»։