Ներխուժումը նույնիսկ 0,001 մմ-ով կդիտվի որպես պատերազմի սադրանք. Կիմ Չեն Ըն
Հյուսիսային Կորեայի առաջնորդ Կիմ Չեն Ընը նշել է երկրի Սահմանադրության մեջ Հարավային Կորեայի՝ որպես թիվ մեկ թշնամական պետության կարգավիճակի ամրագրման անհրաժեշտությունը: Նրա խոսքը մեջբերում է Yonhap News Agency-ն։
Նրա խոսքով՝ այդ միջոցի հնարավոր ձեռնարկումն ուղղված է նրան, որպեսզի ավելի ճշգրիտ նշվի ԿԺԴՀ-ի ինքնիշխանության իրացման դիրքորոշումը՝ կապված Հարավային Կորեայի քաղաքականության հետ:
Կիմ Չեն Ընը նաև նշել է, որ Հյուսիսային Կորեան պատերազմ չի ցանկանում, սակայն մտադիր չէ խուսափել դրանից: Նա ընդգծել է, որ հարավի ներխուժումը նույնիսկ 0,001 մմ-ով կդիտվի որպես պատերազմի սադրանք:
