Վահե Ղազարյանը՝ Շահրամանյանի շարասյունը կանգնեցնելու մասին
ՆԳ նախարար Վահե Ղազարյանն անդրադարձել է Երևանում ԼՂ նախագահ Սամվել Շահրամանյանի ավտոշարասյունը կանգնեցնելու միջադեպին։ Այս մասին նա հայտնեց 2023 թվականն ամփոփող մամուլի ասուլիսի ժամանակ։
«Պարեկային ծառայողը զգուշացրել է, որ շարասյունով երթևեկելու իրավունք չկա։ Եվ ես, օգտվելով առիթից, մեր քաղաքացիներին հիշեցնում եմ՝ շարասյունով երթևեկելու իրավունք չկա։ Իրավունք ունեն երթևեկել այն պաշտոնատար անձինք, որոնց համար նախատեսված է շարասյուն ունենալ»,- ասել է նա։
Ըստ Ղազարյանի՝ պարեկային ոստիկանը քաղաքավարի մոտեցել և նախազգուշացրել է։
«Ավելորդ բան, ինձ թվում է, պարեկային ծառայողը թույլ չի տվել»,- նշել է նա։
