Նավթի գները նվազում են

Երկուշաբթի երեկոյան նավթի գներն արագացրել են անկումը։ Այս մասին գրում է Интерфакс-ը: Մոսկվայի ժամանակով ժամը 18:25-ի դրությամբ (Երևանի ժամանակով՝ 19:25) Brent-ի մարտյան ֆյուչերսները Լոնդոնի ICE Futures բորսայում էժանացել են 0,8 դոլարով (1,02%)՝ հասնելով 77,49 դոլարի՝ մեկ բարելի դիմաց։ Այս պահին WTI-ի փետրվարյան ֆյուչերսները NYMEX բորսայում էժանացել են 0,83 դոլարով (1,14%)՝ հասնելով 71,85 դոլարի՝ մեկ բարելի դիմաց։

Երկուշաբթի օրը նավթի շուկայում առևտրի ծավալը կարող է կրճատվել, քանի որ ԱՄՆ-ում նշվում է Մարտին Լյութեր Քինգի օրը։

Բալթյան և Միջազգային ծովային խորհրդի (BIMCO) տրանսպորտային ասոցիացիան հայտարարել է, որ ԱՄՆ զինված ուժերը զգուշացրել են իրենց, որ Կարմիր ծովով ընթացող նավերի համար ռիսկերը մնում են բարձր:

Միացյալ Նահանգները շաբաթ օրը նոր հարված է հասցրել Եմենին՝ ի պատասխան Եմենի հութի ապստամբների՝ բալիստիկ հրթիռով Կարմիր ծովում նավագնացության ուղիների վրա: Կիրակի օրը զինվորականները խոցել են հութիների հերթական հրթիռը։

«Մեր հիմնական սցենարը չի ենթադրում, որ ԱՄՆ-ի և Մեծ Բրիտանիայի հարվածները Եմենում հութիների թիրախներին և Կարմիր ծովում տիրող իրավիճակին կհանգեցնեն նավթի գների զգալի աճի առաջիկա շաբաթների ընթացքում», - գրում են Citigroup-ի վերլուծաբանները: «Միևնույն ժամանակ, հավանականությունը, որ մի կողմից Իսրայելի և մյուս կողմից Հեզբոլլահի և/կամ Իրանի միջև լարվածության աճը մոտ ապագայում ավելի մեծ անհանգստություն է առաջացնում»: