Իսրայելն ավարտել է իր ցամաքային հարձակման «ինտենսիվ փուլը» Գազայի հատվածի հյուսիսում։ Շուտով ինտենսիվ մարտերը կավարտվեն հարավում՝ Խան Յունիս շրջանում, երկուշաբթի՝ հունվարի 15-ին, հայտարարել է Իսրայելի պաշտպանության նախարար Յոավ Գալանտը, գրում է The Times of Israel-ը։

Նրա խոսքով՝ իսրայելական զորքերը Գազայի հյուսիսում ավելի քիչ ինտենսիվությամբ գործողություններ են անցկացնում այդ տարածքում ՀԱՄԱՍ ահաբեկչական կազմակերպության բոլոր գումարտակների լիկվիդացումից հետո։ Զինվորականները փնտրում են մնացած զինյալներին։

Գալանտն ասել է, որ Գազայի հատվածի հարավում «իսրայելական ուժերի զորքերը կենտրոնացած են օձի գլխի՝ ՀԱՄԱՍ-ի ղեկավարության վրա»: Նա հավելել է, որ տարածքի ահաբեկիչները որպես մարտական ​​ուժ «քայքայվում են»։