ՏԵՍԱՆՅՈՒԹ․ Ամեն ինչ կանեմ, որ ձեր օրենքը չընդունվի. Աղազարյան
ԱԺ պաշտպանության և անվտանգության մշտական հանձնաժողովի նսիտում երկրորդ ընթերցմամբ քննարկվեց ««Զինվորական ծառայության և զինծառայողի կարգավիճակի մասին» օրենքում լրացումներ և փոփոխություն կատարելու մասին» օրենքը։
Օրենքի նախագծով ՔՊ-ական պատգամավոր Հայկ Սարգսյանն առաջարկում է 27 տարին լրացած և պարտադիր զինվորական ծառայություն չանցած քաղաքացիներին հնարավորություն տալ անցնելու զինվորական ծառայություն՝ միաժամանակ ՀՀ պետական բյուջե վճարելով համապատասխան գումարներ, կամ առանց զինվորական ծառայություն անցնելու, պետական բյուջե վճարելով համապատասխան գումար՝ ազատվելով քրեական պատասխանատվությունից:
ԱԺ ՔՊ խմբակցության պատգամավոր Հովիկ Աղազարյանը պաշտպանության և անվտանգության մշտական հանձնաժողովի նիստում Հայկ Սարգսյանին հարցրել է՝ արդյո՞ք ներկայացրած օրինագծով բացասական վարքագիծ չի մտցնում։
«Ես այս օրենքի ոգու հետ համաձայն չեմ։ Այսպիսի հարց չի՞ առաջանում, թե այս օրենքն ընդունելու դեպքում որտեղ են հայտնվելու պատանիները և 23-24տ․ երիտասարդները։ 2 տարեկան տղայի հայրը չի՞ մտածի, որ 15 տարի հետո մեկ ուրիշ Հայկ Սարգսյան կգա ԱԺ և նմանատիպ օրենք կընդունի։ Չե՞ք անհանգստանում, որ Դուք բացասական վարքագիծ եք մտցնում պատանիների և երիտասարդների շրջանում»,- ասել է Աղազարյանը։
Մանրամասները՝ տեսանյութում։
